Rõugõ vald uut rahvast küläde päiväle

Timahaava uut sinno 4. põimukuu päiväl Rõugõ valla küläde päiväle tsilluke Püssä külä uma tegusäte ja iloliste inemestegä. Tulõta miilde võro kiil, paki muunakotti külänaastega kokku säätu väikü pruukost ütisele laualõ, säe pidoriidõ sälgä ja kogu pere massinale.

Püssä külä jääs Rõugõst Kasaritsa sõiten puulele tiile. Üleval ummava ka viida, aga kas noid vajagi um ku päivä juht Contra helü tegema nakas. Tuu kost vast kaugõlõ!?

Ajakava um meil säänõ:
15.00 Registriirmine. Uma tehnikat ja tüüd tutvustasõ hääd sõbra politsei ja Rõugõ priitahtliku pritsimehe, Püssä külä kaemine
16.30 Terven kehän terve vaim! Kõiksugu individuaalsõ ja paarin sportmängu uhkõti auhinduga. Rohkõ publik um hädävajalik
17.30 Hääd iso! Ütine laud ning Püssä külänaastõ soe supp ja pannkuugi
18.00 Sumõda suveõdagu kontsõrt
18.30 Vallavanempa iistkõnõ. Aasta külä tiitli ülõandminõ
19.00 Tantsus mängüs kapell MEIE ISE

Kohale tullõn um hää tiidä sedägi, et latsilegi leidüs tegevust. Uma panusõ saat anda kodo seisma jäänü käsitüü või timahaavastõ hoidiste andmidsega häätegevusmüüki. Võta nuu üten! Küläde päiväl toimus häätegevusmüük Rõugõn kuuli minevatõ latsi hääs. Hää tegü um ka tegijä hingele hää! Avatu um puhvet.